Diwan

Ur rouedad 48 skol, 6 skolaj ha 2 lise a ya da ober ar skolioù Diwan er pemp departamant. 4 014 skoliad zo bet degemeret en distro skol 2023 er rouedad, en o zouez un drederenn en eil derez. Digoust, laik ha digor d’an holl eo ar c’helenn ; se zo kaoz ez eo ar strollegezhioù lec’hel keveler ar rouedad. Kinniget vez ur c’helenn dre soubidigezh a laka ar skolidi da vestroniañ kenkoulz ar brezhoneg hag ar galleg ha kement dre gomz ha dre skrid.